ڕوانگە _ لە ئەمڕۆوە کارکردن لە وێستگەی پاککردنەوەی ئاوی دەربەندیخان دەستیپێکردەوە
لەم ڕۆوە کارکردن لە پرۆژەی وێستگەی پاککردنەوەی ئاوی دەربەندیخان دەستیپێکردەوە، قایمقامی قەزاکەش ڕایدەگیەنێت: وێستگەکە لە ساڵی 2014 وە دەست بەدروستکردنی کراوە و بەڵام بەهۆی قەیرانی داراییەوە تائێستا تەواو نەکراوە
سڵێمان محمد سعید، قایمقامی قەزای دەربەندیخان ڕایگەیاند: ئەم وێستگەیە لە ساڵی 2014 وە دروستکراوە و 50% کارەکانی تەواوکراوە، بەڵام بەهۆی قەیرانی دارایەوە نەتوانرا بەیەکجاری تەواوبکرێت.
وتیشی: لە ئێستادا بڕی پێنج ملیۆن دۆلاری بۆ تەرخانکراوە و لەم ڕۆوە دوبارە دەستکراوەتەوە بەکارکردن تیایدا و واچاوەڕێ دەکرێت تاوەکو هەشت مانگی دیکە بەیەکجاری تەواو بێت.
سڵێمان محمد سعید، قایمقامی قەزای دەربەندیخان، ڕونیشی کردەوە: ئەم وێستگەیە توانای هەیە کە لە یەک کاژمێردا هەزار مەتر سێجا ئاو پاک بکاتەوە. واتا لە ڕۆژێکدا توانای بیست هەزار مەتر هەیە و بەمەش تاڕادەیەکی باش چارەسەری کێشە ئاوی خواردنەوە لە قەزاکەدا دەکرێت.
