ڕوانگە - وەزارەتی دەرەوەی ئێران لە ڕاگەیەندراوێکدا بڵاویکردووەتەوە، بە هۆی تێوەگلان و پشتیوانی کردن لە تیرۆر، پێشێلکردنی مافەکانی مرۆڤ و هاوکاری ڕژێمی ئیسرائیل بۆ هێرشکردنە سەر کەرتی غەززە، حەوت کەسایەتیی و پێنج دامەزراوەی ئەمەریکی خستووەتە لیستی سزاکانی.
وەزارەتی دەرەوەی کۆماری ئیسلامی ئێران ڕایگەیاندووە، ئەوانەی خراونەتە لیستی سزادان پشتیوانی چەک، داراییان بە ڕژێمی ئیسرائیل داوە و پشتیوانیان لە تیرۆر و پێشێلکارییەکانی مافی مرۆڤ کردووە لە کەرتی غەززە.
دامەزراوە سزادراوەکان لەلایەن ئێران:
1- کۆمپانیای لۆکهید مارتن بە تاوانی پێدانی چەک بە سوپای ئیسرائیل لە شەڕی غەززە.
2- کۆمپانیای جەنەڕاڵ داینامیک بە تاوانی دابینکردنی گولـلەی 155 ملم بۆ سوپای ئیسرائیل شەڕی غەززە.
3- کۆمپانیای سکایدیۆ بە تاوانی پێدانی درۆن بە سوپای ئیسرائیل لە شەڕی سەر کەرتی غەززە.
4- کۆمپانیای شیڤرۆن وەبەرهێنەری غاز لە کێڵگە غازییەکانی ڕۆژهەڵاتی ناوەڕاست، بە تاوانی پشتیوانی کردنی ماددی بۆ ئیسرائیل.
5- کۆمپانیای خارۆن بە تاوانی هاوکاری کردنی وەزارەتی گەنجینەی ئەمەریکا بۆ ڕێگری لە دەست ڕاگەیشتنی حەماس و جیهادی ئیسلامی بە سیستمی کریپتۆ بۆ ئاڵوگۆڕ و ناردنی دراو بە پاساوی هەوڵدان بۆ سپیکردنەوەی پارە.
هەر لە ڕاگەیەندراوەکەی وەزارەتی دەرەوەی ئێران هاتووە، حەوت کەسایەتی بە تاوانی پشتیوانی کردنی حکوومەتی ئیسرائیل و لە شەڕی سەر غەززە خستووەتە لیستی سزاکان.
کەسایەتییە سزادراوەکان لەلایەن ئێران:
1- جێسوون گرینبڵات ڕاوێژکاری دۆناڵد ترەمپ سەرۆکی پێشووی ئەمەریکا بە تاوانی پشتیوانی کردن لە ڕیشەکێشکردنی حەماس.
2- مایکڵ ڕۆبن توێژەری ئەمەریکی لە پەیمانگەی ئینتەرپرایزەر بە تاوانی پشتیوانی کردنی شەڕو هاندان بۆ نەهێشتنی حەماس.
3- جیسۆن برۆدسکی بەڕێوەبەری جێبەجێکاری یەکێتی دژ بە بەرنامەی ئەتۆمی ئێران بە تاوانی بڵاوکردنەوەی هەواڵی هەڵبەستراو لە دژی ئێران و شەڕی غەززە.
4- کلیفۆر مای سەرۆکی ئەنجوومەنی داکۆکیکردن لە دیموکراسی بە تاوانی ئەو هەنگاوانەی لە دژی مافەکانی مرۆڤ لە شەڕی غەززە ناویەتی.
5- جەنەڕاڵ برایان فێنتۆن فەرماندەی ئۆپراسیۆنە تایبەتەکانی سوپای ئەمەریکا بە تاوانی هاوکاریی و پێدانی زانیاریی هەواڵگری بە ئیسرائیل.
6- براد کووپەر فەرماندەی پێنجەمین کەشتیگەلی هێزی دەریایی ئەمەریکا بە تاوانی پشتیوانی کردن لە پێشێلکارییەکانی جەنگ لە کەرتی غەززە.
7- جۆرجیۆ هایز بەڕێوەبەری کۆمپانیای تای تی ئێکس بۆ دروستکردنی چەک بە تاوانی پشتیوانی کردن لە پێشێلکارییەکانی مافی مرۆڤ لە شەڕی غەززە.
