وەزیری دەرەوەی سعوودیە لە سەردانەکەیدا بۆ ئۆکراینا لە گەڵ سەرۆک کۆماری ئەو وڵاتە سەبارەت بە پەیوەندییە دووقۆڵییەکان و چۆنیەتی چارەسەرکردنی قەیرانی ئێستای نێوان کیێڤ – مۆسکۆ وتووێژی کرد.
فەیسەڵ بن فەرحان لە کۆبوونەوەی لە گەڵ زیلینسکی جەختی لە سەر هەوڵەکانی ڕیاز بە ئاراستەی چارەسەرکردنی قەیرانی ئۆکراینا کردەوە.
بن فەرحان ڕایگەیاند کە سعوودیە 410 ملیۆن دۆلار هاوکاری ئۆکراینا دەکات.
وەزیری دەرەوەی سعوودیە هەروەها لە گەڵ بەرپرسی نووسینگەکەی سەرۆک کۆماری ئۆکراینا سەبارەت بە چارەسەری سیاسی قەیرانی ئەو وڵاتە کۆبووە./.