دوناڵد ترەمپ ڕایگەیاندووە کە جیهان لە شەڕی سێهەمی جیهانی نزیک بووەتەوە.
ناوبراو لە میانەی وتارێکی لە ویلایەتی میشیگان وتی کە لە ئەگەری سەرکەوتنم لە هەڵبژاردنەکانی ساڵی 2024 ی ئەمریکا، ڕێگری لە هەڵگیرسانی شەڕی سێهەمی جیهانی دەکەم.
ترەمپ وتی کە کاتێک من وەک چل و حەوتەمین سەرۆک بچمە کۆشکی سپی، تەنانەت پێش ئەوەی بچمە نووسینگەکەم، کۆتایی بەم شەڕەی نێوان ڕووسیا و ئۆکراینا دەهێنم.
سەرۆک کۆماری پێشووی ئەمریکا وتی کە ئەمە کارێکی دژوار نییە، بەڵکوو بەراورد بە حاڵەتەکانی دیکە زۆر سادەیە.
