جێگری سەرۆک ئەرکانی هێزە چەکدارەکانی ئێران و جێگری وەزیری بەرگری سعوودیە لە شاری مۆسکۆ کۆبوونەوە.
عەزیز نەسیرزادە جێگری سەرۆک ئەرکانی هێزە چەکدارەکانی ئێران کە بە مەبەستی بەشداری لە کۆنفرانسی نێودەوڵەتی سەربازی و ئەمنی ڕووسیا سەردانی مۆسکۆی کردووە، لە پەراوێزی ئەو کۆنفرانسەدا لە گەڵ تەلال عەبدوڵڵا عەتیبی جێگری وەزیری بەرگری سعوودیە کۆبووە.
بەرپرسانی سەربازیی ئێران و سعوودیە لەو کۆبوونەوەدا جەختیان لە سەر ڕۆڵی هێزە چەکدارەکان لە پەیوەندییەکانیاندا کردەوە و بەردەوامی وتووێژ و کۆبوونەوەکانیان لە بواری سەربازیدا بە پێویست ناو برد.
