عەبدولفەتاح سیسی سەرۆک کۆماری میسر ئەمڕۆ سێ شەممە 17 ی تشرینی یەکەم داوای لە وڵاتانی عەرەبی و لایەنە پەیوەندیدارەکانی دیکە کرد شەممەی داهاتوو بەشداری لە کۆبوونەوەیەکی نائاسایی بۆ تاوتوێکردنی دۆخی فەڵەستین بکەن. کۆبوونەوەکە بڕیارە لە شاری قاهیرە بەڕێوە بچێت.
محەممەد شیاع سودانی سەرۆک وەزیرانی عێراق یەکەم سەرکردەی وڵاتانی عەرەبییە کە ڕایگەیاندووە بانگهێشتنامەی لە لایەن سەرۆک کۆماری میسرەوە بۆ ئەو مەبەستە پێگەیشتووە.
لە کۆبوونەوەکەی قاهیرە وڵاتانی عەرەبی، ناوچەکە و چەند وڵاتێکی کاریگەری جیهان لە گەڵ ڕێکخراوە نێودەوڵەتییەکان بەشداری دەکەن.