عەبدوڵڵای دووەم شای ئەردەن ئەمڕۆ پێنج شەممە بە سەردانێک گەیشتە قاهیرە و لە گەڵ عەبدولفەتاح سیسی سەرۆک کۆماری میسر کۆبووە. تاوتوێکردنی دۆخی غەززە و هێرشەکانی ئیسرائیل تەوەری سەرەکی ئەم کۆبوونەوە بووە.

هەر دوو لا جەختیان لەوە کردووەتەوە کە دەرکردنی دانیشتووانی غەززە و نیشتەجێکردنی ئەوان لە میسر یان ئەردەن ڕەتدەکەنەوە و بە هەموو شێوەیەک دژی هەر پلان و پرۆژەیەکی ئەمریکا و ئیسرائیل دەوەستنەوە.

عەبدوڵڵای دووەم و سیسی هەروەها ڕایانگەیاندووە کە بەردەوامی ئەم شەڕە ناوچەکە بەرەو کارەساتێکی گەورە دەبات.