ڕەجەب تەیب ئەردۆغان وتی کە ئێمە بە نیازپاکییەوە بەدواداچوونمان بۆ ڕووداوەکانی فەڵەستین کرد بەڵام ئیسرائیل نیازێکی دیکەی هەبوو و تێڕوانینێکی دیکەی لە سەر ئێمە هەبوو و بەم بۆنەوە سەردانەکەم بۆ تەل ئەبیب هەڵوەشاندەوە.
سەرۆک کۆماری تورکیا بە ئاماژە بە ڕۆڵی ئەمریکا لە تاوانەکانی غەززەدا وتی کە ئەمریکا شکست دێنێت لە بەر ئەوەی کە نایەوێت جیهان دادپەروەرانە بەڕێوە ببرێت.
وتیشی کە تورکیا پەیوەندیی لە گەڵ ئیسرائیل هەیە بەڵام هیچ کات ڕەزامەندیی لە سەر ئەم شێوازەی سیاسەت و هەڵسووکەوتی تەل ئەبیب وەک گرووپ و حکومەت نییە.
