جۆبایدن سەرۆک کۆماری ئەمریکا ئەمڕۆ هەینی ڕایگەیاند کە ئیسرائیل بە هۆی گوشارەکانی واشنتنەوە ڕەزامەندی لە سەر ئاگربەستی مرۆڤدۆستانە لە کەرتی غەززە دەربڕیوە.
بایدن ڕایگەیاندووە کە ئەمە هەنگاوێکە بە ئاراستەی درووست و دەرفەت بە خەڵکی سڤیل دەدات لە گۆڕەپانی شەڕەکە دووربکەونەوە و هاوکارییە مرۆییەکانیش بگاتە ناوچە زیانبەرکەوتووەکان.
لێدوانەکانی سەرۆک کۆماری ئەمریکا لە کاتێکدایە کە سەرۆک وەزیرانی ئیسرائیل ڕایگەیاندووە تا ئازادکردنی تەواوی بارمتەکان لە لایەن بزوتنەوەی حەماسەوە هیچ ئاگربەستێک ناکرێت.
