بافڵ تاڵەبانی لە کۆبوونەوەی لە گەڵ نوری مالیکی سەرۆکی هاوپەیمانی دەوڵەتی یاسا داوایکرد کە شایستە داراییەکانی هەرێم و مووچەی فەرمانبەران تێکەڵ بە ناکۆکی و ململانێکان نەکرێت و ژیانی خەڵک پارێزراو بێت.
لەو کۆبوونەوەدا جەخت لە سەر گەشەپێدانی پەیوەندییە مێژوویی و هاوبەشەکانی هەر دوو لا کرایەوە لە پێناو هاوکاری و هەماهەنگی زیاتر بۆ چارەسەرکردنی کێشەکان، پاراستنی بەرژەوەندییە باڵاکان و سەقامگیری لە وڵاتدا.
سەرۆکی یەکێتی نیشتمانی کوردستان ڕایگەیاندووە کە بەڕێوەچوونی هەڵبژاردنی ئەنجومەنی پارێزگاکانی عێراق لە کەرکوک بە شێوازی شەفاف و بێگەرد زۆر گرنگە و دەبێت ئەو پرۆسەیە لە وادەی دیاریکراوی خۆیدا بێت.
