ناسر کەنعانی لە کۆنگرەی ڕۆژنامەوانی هەفتانەی خۆی سەبارەت بە هەڵوەشانەوە یان دواکەوتنی سەردانەکەی ڕەئیسی بۆ تورکیا وتی: ئەم سەردانە لە چوارچێوەی وتووێژی تەلەفوونیی سەرۆک کۆمارانی هەر دوو وڵات بە پێی ئو دۆخەی لە فەڵەستین دەبینرێت، هەڵوەشایەوە.
ناوبراو وتی: بڕیاربوو کە ئەم سەردانە پاش ئامادەبوونی شاندەکانی ئێران و تورکیا لە نەتەوە یەکگرتووەکان لە نیۆیۆرک بکرێت کە ئەڵبەت بە هۆی دواکەوتنی پێدانی ڤێزەی وەزیری دەرەوە، سەردانەکە لە لایەن شاندەکەی ئێرانەوە نەکرا.
کەنعانی وتی: ئێران و تورکیا لە بوارە جیاجیاکاندا پەیوەندییەکی نزیکیان پێکەوە هەیە و چاوەڕوان دەکرێت وڵاتانی ناوچەکە پێداچوونەوە بە سەر پەیوەندییەکانیان لە گەڵ ڕژێمی زایۆنیستی بکەن کە ئەمەش چاوەڕوانییەکی ڕەوای گەلی فەڵەستینە.
