پەیمانگەی نێودەوڵەتی توێژینەوەکانی ئاشتیی ستۆکهۆڵم ڕایگەیاندووە کە بودجەی سەربازیی ڕووسیا لە ساڵی 2024 بەراورد بە ساڵی 2023 لە سەدا 29 بەرز دەبێتەوە و دەگاتە نزیکەی 140 ملیار دۆلار.
لەو ڕاپۆرتەدا هاتووە کە بودجەی سەربازیی ساڵی 2024 ی ڕووسیا لە سەدا 35 ی بودجەی گشتی ئەو وڵاتە پێک دێنێت.
ڤلادیمیر پوتین سەرۆک کۆماری ڕووسیا لە کۆتایی مانگی تشرینی دووەم یاسای بودجەی سێ ساڵەی ئەو وڵاتەی تا ساڵی 2026 واژۆ کرد.
