میدیاکانی پاکستان وەک گۆڕانکارییەکی گەورەی سیاسی باسی سزادانی هەر یەک لە عمرانخان سەرۆک وەزیرانی پێشوو و شامەحمود قورەیشی وەزیری دەرەوەی پێشووی ئەو وڵاتەیان کردووە کە لە لایەن دادگاوە بە تۆمەتی بڵاوکردنەوەی بەڵگە و زانیارییە نهێنییەکان بە 10 ساڵ زیندان سزا دراون.
ئەو بەڵگەیە کە ئاماژەی پێدراوە، بەڵگە و زانیارییەکی نهێنی بووە کە لە لایەن باڵیۆزی پاکستان لە واشنتن ڕەوانەی ئیسلام ئاباد کرابوو.
عمرانخان نیسانی 2022 لە لایەن پەرلەمانی پاکستانەوە متمانەی لێوەرگیرایەوە و لە پۆستەکەی وەک سەرۆک وەزیرانی ئەو وڵاتە دوورخرایەوە.
