ڕوانگە - بەبۆنەی جەژنی جەمای کوردانی ئێزدییەوە، نێچیرڤان بارزانی، سەرۆکی هەرێمی کوردستان، پەیامێکی بڵاوکرەوە و ڕایگەیاند:"بە گەرمی و پڕبەدڵ پیرۆزبایی جەژنی جەما لە تەواوی خوشک و برایانی ئێزدیمان لە کوردستان و عێراق و هەر جێیەکی جیهان دەکەم و هیوای جەژنێکی ئارام بۆ هەموویان دەخوازم.
سەرۆکی هەرێمی کوردستان، ئاماژەی بەوەشکرد:"دڵنیایی دەدەینە هاونیشتمانیانی ئێزدی، وەکو هەمیشە پشتیوانیان دەبین و پارێزگاری لە ماف و داخوازییەکانیان دەکەین، هەروەها هەرێمی کوردستان بۆ هەموو پێکهاتە ئایینی و نەتەوەییەکان، وڵاتی پێکەوەژیان و ئاشتی دەبێت.
