ڕوانگە - ئەمڕۆ لە بازاڕەکانی جیهاندا نرخی نه‌وت بە هەردوو جۆرەکەیەوە برێنت و خاوی ئەمریکی بەشێوەیەکی بەرچاو ڕووی لە بەرزبوونەوە کرد.
ئەمڕۆ شەممە ٢٦ی تشرینی یەکەمی ٢٠٢٤ نرخی یەک بەرمیل نەوتی خاوی برێنت بە ٧٦ دۆلار و ٥ سەنت مامەڵەی پێوەدەکرێت، بەڵام لە کاتی داخستنی بازاڕدا بە ٧٤ دۆلار و ٣٨ سەنت بوو.
هاوکات نرخی نەوتی خاوی ڕۆژئاوای تەکساسی ئەمریکا گەیشتە ٧١ دۆلار و ٣٥ سەنت، لە کاتێکدا لە کاتی داخستنی بازاڕدا بە ٦٩ دۆلار و ٨٤ سەنت بوو.
تەشەنەکردنی گرژییەکانی رۆژهەڵاتی ناوەڕاست و بەرزی رێژەی نەوتی کۆگاکراوی ئەمەریکا بە یەکێک لە هۆکارە سەرەکییەکانی گۆڕانکارییەکانن لە نرخی نەوتدا.