ڕوانگە ـ کوردۆ عومەر، بەڕێوەبەری بەشی ڕاگەیاندن لە وەزارەتی شارەوانی و گەشت و گوزاری حکومەتی هەرێمی کوردستان، بۆ ڕوانگە ڕایگەیاند:" ئێمە وەکو وەزارەتی شارەوانی و گەشت و گوزار هەموو ئەو ئەرکانەی کە لەسەرشانمان بووە بەمەبەستی دابەشکردنی زەوی بەسەر فەرمانبەراندا جێبەجێمان کردووە.
وتیشی:" ئەوەی ئێستا ماوەتەوە بۆ جێبەجێکردنی بڕیاری دابەشکردنی زەوی بەسەر فەرمانبەراندا لای سەرۆکی شارەوانیەکانە و لە هەر شوێنێک ماستەرپلانی زەویەکان تەواوبوبێت دواتر لەڕێگەی تیروپشکەوە زەوی بەسەر فەرمانبەراندا دابەشدەکرێت.
کوردۆ عومەر، بەڕێوەبەری بەشی ڕاگەیاندن لە وەزارەتی شارەوانی و گەشت و گوزاری حکومەتی هەرێمی کوردستان، ڕونیشیکردەوە:" ئەرکی یەکەمی ئێمە لەوەزارەتی شارەوەنی جیاکردنەوەی ئەو فەرمانبەرانەیە کە لەڕابردوودا سودمەندنەبوون، هەروەها دیاریکردنی ئەوزەویانەی کە ماستەرپلانی وەزارەت بڕیاریداوە کە لە هەرشارێک لەچی شوێنێکی دانراوە بۆ دابەشکردنی زەوی وماستەرپلانی بۆ بکرێت.
بەپەلە:
