ڕوانگە - لە بەیاننامەیەکدا، سەرۆکایەتی کۆمار بەتوندی ئیدانەی کردەوه تیرۆریستییەکەی دژبه لیوای هاوبەشی سوپای عێراق و هێزی پێشمەرگه دەکات، کە لە ئەنجامدا سێ ئەندامی لیواکە بەهۆی تەقینەوەی بۆمبێکی چێندراو له ناوچەی دوزخورماتوو شەهیدبون. 

 

هەر لەو بەیاننامەیەدا سەرۆکایەتی کۆمار ڕایدەگەیەنێت:"نپرسە و سەرەخۆشی خۆمان ئاراستەی بنەماڵەی شەهیدە قارەمانەکان دەکەین و لە خودای گەورە دەپاڕێینەوە بە بەهەشتی بەرینی خۆی شادیان بکات و هیوای چاکبوونەوەی خێراش بۆ بریندارەکان دەخوازین."