ڕوانگە - د.لەتیف جەمال رەشید، سەرۆك کۆماری عێراق،  رۆژی چوارشەممە 20-11-2024 زانیارییە تایبەتەکانی لە چوارچێوەی سەرژمێریی گشتیی دانیشتوان لەلایەن تیمی سەرژمێرییەوە تۆمارکرا.

 سەرۆك کۆمار جەختی لەسەر گرنگی سەرژمێریی گشتیی دانیشتوان کردەوە بۆ بەدەستهێنانی زانیاری و ئامار و داتای ورد، کە خزمەت بە پلانەکانی گەشەپێدانی ئابوری و کۆمەڵایەتی دەکات و رەنگدانەوەی دەبێت لەسەر دابینکردنی خزمەتگوزاری بۆ سەرجەم عێراقییەکان.

د.لەتیف جەمال رەشید، سەرۆك کۆمار داوای لە هاووڵاتیان کرد هاریکاری تیمە تایبەتەکانی سەرژمێری بکەن بۆ سەرخستنی ئەم پرۆسە گرنگە و بەدیهێنانی ئامانجە خوازراوەکان.