ڕوانگە - نيوه‌ڕۆى ئه‌مڕۆ سێشه‌ممه 2024/12/17 نێچيرڤان بارزانى، سه‌رۆكى هه‌رێمى كوردستان، له ديدارێكدا له‌گه‌ڵ يان شنايداوف، باڵيۆزى نوێى چيك له عێراق، وێڕاى پيرۆزبايى بۆ ده‌ستبه‌كاربوونى، هه‌موو پشتگيرييه‌كى خۆى و لايه‌نه په‌يوه‌نديداره‌كانى هه‌رێمى كوردستانى بۆ سه‌رخستنى ئه‌ركه‌كه‌ى، ده‌ربڕى.
بەپێی راگەیێندراوی سەرۆکایەتیی هەرێمی کوردستان لاى خۆيه‌وه به‌ڕێز باڵيۆزى نوێى چيك، خۆشحاڵيى خۆى به سه‌ردانى بۆ هه‌رێمى كوردستان نيشان دا و جه‌ختى له‌وه كرده‌وه كه وڵاته‌كه‌ى به بايه‌خه‌وه له په‌يوه‌ندييه‌كانى له‌گه‌ڵ عێراق و هه‌رێمى كوردستان ده‌ڕوانێت، بۆ ئه‌وه‌ش كار ده‌كه‌ن له هه‌موو بواره‌كاندا بره‌وه به په‌يوه‌ندييه‌كان و هاريكاريى هاوبه‌شى نێوانيان بده‌ن.
په‌يوه‌ندييه‌كانى هه‌ولێر ـ به‌غدا، دۆخى عێراق و دوايين پێشهاته‌كانى ناوچه‌كه به‌گشتى، ته‌وه‌رێكى ديكه‌ى ديداره‌كه بوو كه به‌ڕێز كونسوڵی گشتيى چيك له هه‌رێمى كوردستان، ئاماده‌ى بوو.
