ئاژانسی مێزۆپۆتامیا بڵاویکردەوە، دەسەڵاتدرانی تورکیا بە ئەرێنی وەڵامی داواکاری دەمپارتییان دایەوە بۆ دیدار لەگەڵ عەبدوڵا ئۆجالان ڕێبەری پەکەکە لە ئیمڕاڵی.
بەگوێرەی هەواڵێکی بەپەلەی ئاژانسەکە، وەزارەتی دادی تورکیا وەڵامی ئەرێنی دایەوە بۆ داواکاری پارتی یەکسانی و دیموکراسی (دەم پارتی) بۆ کۆبوونەوە لەگەڵ عەبدوڵڵا ئۆجالان ڕێبەری پەکەکە.
پێشبینی دەکرێت سبەی یان دووسبەی شاندی دەم پارتی سورەیا ئۆندەر و پێرڤین بوڵدان بچنە ئیمرالی و لەگەڵ عەبدوڵڵا ئۆجالان سەرۆکی پارتی کرێکارانی کوردستان کۆببنەوە.
