ڕوانگە - لەسەر ڕاسپاردەی عەبدوڵا ئۆجەلان،ئەمڕۆ شەممە 11ـی کانوونی دووەمی 2025 شاندی ئیمراڵی سەردانی گرتووخانەی ئەدیرنە دەکات و لەگەڵ سەڵاحەدین دەمیرتاش کۆدەبێتەوە، سبەی یەکشەممەش 12ـی کانوونی دووەم، لە گرتووخانەی کاندرا لە پارێزگای کۆجائەلی لەگەڵ فیگەن یوکسەکداغ کۆدەبێتەوە.
شاندەکەى پارتى دەم لە 28ـی 12ـی ساڵی رابردوو، بە ئەندامێتیی پەروین بوڵدان و سڕی سورەییا ئۆندەر سەردانى ئیمراڵییان کرد و کۆبوونەوەیان بۆ ماوەی سێ کاتژمێر لەگەڵ عەبدوڵا ئۆجەلان، رێبەری زیندانییکراوی پەکەکە کرد.
شاندی پارتی دەم لەچوارچێوەی دیدار و سەردانەکانیاندا، سەردانی هەریەک لە نوعمان کورتوڵموش، سەرۆکی پەرلەمانی تورکیا و دەوڵەت باخچەلی، سەرۆکی مەهەپە، ئەحمەد داودئۆغڵو، سەرۆکی پارتی ئایندە، عەبدوڵا گولەر، سەرۆکی فراکسیۆنی ئاکپارتی، مەحمود ئاریکان، سەرۆکی پارتی سەعادەت، ئۆزگور ئۆزەل، سەرۆکی جەهەپە، عەلی باباجان، سەرۆکی دەڤا و فاتیح ئەربەکان، سەرۆکی یەرەپەیان کردووە.
