ڕوانگە - وەزیری بەرگری سوریا دەڵێت، كێشەی كورد بە رێگەی دیپلۆماسی چارەسەر دەكەن.
مورهەف ئەبو قەسرە وەزیری بەرگری سوریا لە چاوپێكەوتنێكی رۆژنامەوانیدا رایگەیاند، نزیكەی 100 گروپی چەكدار ئامادەییان دەربڕیووە لە ژێر چەتری وەزارەتی بەرگریدابن، چەند گروپێكیش هێشتا رەزامەندییان نیشان نەداوە.
ئاماژەی بۆ ئەوەشكردووە، لەگەڵ هێزەكانی سوریای دیموكرات (هەسەدە) لە گفتوگۆدان بۆ ئەوەی بە رێگەی دیپلۆماسی كێشەكان چارەسەر بكەن، چونكە یەكلایكردنەوەی كێشەكان بە رێگەی سەربازی دەبێتە هۆی خوێنڕشتن لە هەردوولا، لەبەرئەوە دەخوازن هەسەدە بچێتە ریزی وەزارەتی بەرگری.
سەبارەت بە پرسی ئامادەیی روسیا لە سوریا، وەزیری بەرگری وتی، سوریا ئامادەیە رێگە بە روسیا بدات بنکە ئاسمانی و دەریاییەکانی بەدرێژایی کەناراوەکانی دەریای ناوەڕاست بهێڵێتەوە، بەو مەرجەی رێککەوتنەکانیان لەگەڵ ئەو وڵاتە لە بەرژەوەندی سوریادا بێت.
ئەو وەزیرە لە چاوپێکەوتنەکەیدا لەگەڵ رۆژنامەی ئەمریکی، واشنتۆن پۆست وتی: ئەگەر رێککەوتن لەگەڵ روسیا سوودی بۆ سوریا هەبێت، ئەوا هیچ ناڕەزایەتییەکیان بەرانبەری نییە.