ڕوانگە - سەرۆكی فەرەنسا دەڵێت: پێویستە هێزەكانی سوریای دیموكرات (هەسەدە) لەگەڵ هێزە نیشتیمانییەكانی سوریا تێكەڵ بكرێن ئەوەش یەرمەتیدەرە بۆ بەرەنگاربوونەوەی تیرۆر، وتیشی سەرجەم هێزە سیاسیەکان پێویستە بەشداری لە پڕۆسەی سیاسیدا بکەن.
ئێمانوێل ماکرۆن، سەرۆكی فەرەنسا ئەمڕۆ پێنجشەممە ١٣ی شوبات رایگەیاند: پێویستە هێزەكانی سوریای دیموكرات (هەسەدە) لەگەڵ هێزە نیشتیمانییەكانی سوریا تێكەڵ بكرێن كە ئەوە یارمەتیدەر دەبێت بۆ روبەڕوبونەوەی تیرۆر لە ناوچەكەدا.
وتیشی"دەبێت هەمو هێزە سیاسییەكان بەشداری لە پرۆسەی سیاسییدا بكرێن و توانای رێزگرتن لە سەرجەم گروپەكانی سوریا یارمەتیدەرە بۆ بەدەستهێنانی سەقامگیری لە ئەو وڵاتەدا".
سەرۆكی فەرەنسا ئاماژەی بۆ ئەوەشكردوە، پێویستە سەرجەم ئاوارەكانی سوریا بگەڕێنەوە بۆ زێدی خۆیان.
ئەوەش لە کاتێکدایە کە سەرەرای ئامۆژگاری وڵاتانی ئەورووپی و ئەمریکا بۆ بەشدارکردنی کورد لە پڕۆسەی سیاسی سوریا بەڵام بەپێچەوانە هیچ نوێنەرێکی کورد بۆ لێژنەی ئامادەکاری کۆنفڕانسی نیشتمانی سوریا بامگهێشت نەکراوە.