ڕوانگە- کۆشکی سپی ئاشکرای دەکات، "باشترین بژاردە بۆ زێلێنسکی‌و ڕۆیشتنی دەستبەجێیەتی بۆ فەرەنسا،
میدیاى ئه‌مریكى، له‌كه‌سانى نزیك له‌سه‌رۆكى ئه‌مریكاوه په‌یامێك گه‌یه‌نراوه‌ته ڤۆلۆدیمیر زێلێنسکی سه‌رۆكى ئۆكرانیاو پێی وتراوه، هه‌رچى زوه‌و ده‌ستبه‌جێ وڵاته‌كه‌ت به‌جێبهێڵه،
زێلنسکی لایەنگری کەمی هەیە، هەروەها یەکێک لەبەرپرسانی کۆشکی سپی ڕاگەیاندوە، ترەمپ، حەزی لەزێلێنسکی نییە.
لای خۆیەوە ترەمپ کیێڤی تۆمەتبارکرد بەوەی ڕێگریی لەڕێککەوتنی کانزاکانی زەوییە دەگمەنەکان دەکات‌و مایک واڵز ڕاوێژکاری سەرۆکایەتی ئەمریکاش ده‌ڵێت:"سەرۆک بێهیوا بوە لەوەی زێلینسکی دانوستانی نەکردوەو ئەو دەرفەتەی قبوڵنەکردوە کە پێشکەشیکراوە بۆ گەڕاندنەوەی بەهای هاوکارییەکان بۆ ئۆکرانیا، هەروەها ئاماژەی بەوەشکرد، ئەو قسەو هێرشانەی کیێڤ ئاراستەی سەرۆکی کۆشکی سپی دەکات، جێگەی قبوڵکردن نییە.
لەچەند ڕۆژی ڕابردودا، سەرۆکی ئەمریکا کۆمەڵێک لێدوانی توندی سەبارەت بەزێلێنسکی داوەو لەپلاتفۆرمی "تروس سۆشیال"دا بەدیکتاتۆرێکی هەڵنەبژێردراو وەسفیکردوەو هۆشداریشیداوە لەوەی "وڵاتەکەی لەدەستدەدات"، لەبەرامبەردا زێلێنسکی لەلێدوانێکدا وەڵامی ترەمپی داوەتەوەو پێیوتوە، "سەرۆکی ئەمریکا لەفەزای زانیاری ناڕاستدا دەژی".
جونیۆر كه کوڕی دۆناڵد ترەمپ سەرۆکی ئەمریکایه ڕایگەیاندوه، پێویسته ڤۆلۆدیمیر زێلێنسکی ڕاستیه‌ك له‌به‌رچاو بگرێت كه بەبێ پارەی ئەمریکا، ئۆکرانیا سەرناکەوێت.
لێدوانەکانی ترەمپ، دوای دانوستانەکانی ڕوسیاو ئەمریکا لەڕیاز دێت، لەهەمانکاتدا ئاماژەی بەبێتوانایی زێلێنسکی‌و کەمی جەماوەریى كردبوو جه‌ختیشیكردبوه‌وه، كه پێویسته هه‌رچى زوه هەڵبژاردن لەئۆکرانیا ئه‌نجامبدرێت.