ڕوانگە- دوێنێ یەکشەممە،٢٠٢٥/٢/٢٣، هەڵبژاردنی ئەڵمانیا بەڕێوەچوو. زیاتر لە ٥٩ ملیۆن کەس مافی دەنگدانیان هەبوو بۆ هەڵبژاردنی ٦٣٠ پەرلەمانتاری فیدراڵی، لەنێو ئەو ژمارە بەربژێرەدا ١٢ هاوڵاتی کورد. خۆیان بەربژێرکردبوو.
بەگوێرەی ئەنجامە بەراییەکانی هەڵبژاردن لەو ١٢ هاوڵاتییەگع کوردە، شەشیان دەنگی پێویستیان بۆ بوون بە ئەندامی پەرلەمان بەدەستهێناوە
لەنێو کوردەکاندا فیرات کۆچاک، جەم ئینجە، میرزا ئەدیس و گوکای ئاکبولووت، بەربژێرانی کورد لە پارتی چەپ، قاسم تاهیر، بەربژێر لە هاوپەیمانیێتی سەوزەکان و سەردار یوکسەل، بەربژێر لە پارتی سۆسیال دیموکرات دەرچوون.
زۆرتری ئەو بەربژێرە کوردانە سەر بە پارتەکانی ئەوپەڕی نێوەڕاست تاوەکو چەپی نێوەڕاست بوون. ئەمجارە لەنێو پارتی کریستیان دیموکراتی راستڕۆی نێوەڕاستیشدا بەربژێری کورد هەبوو؛ سەرۆکی یەکێک لە لیستە بەشدارەکانیش کورد بوو.
پارتی سەوزەکان یەکێک بوون لە پارتە گەورە بەشدارەکان لەم هەڵبژاردنانەدا؛ لە ریزەکانی ئەو پارتەدا ژمارەیەکی زۆر کورد هەن، کە پۆستی باڵاشیان هەیە، بۆ نموونە، جێگری سەرۆکی پەرلەمانی ویلایەتی نۆردراین ڤێستڤالنی ئەڵمانیا، کوردە و بەربژێریشە بۆ پۆستی سەرۆکی گەورە شارەوانیی شاری کۆڵن.