ڕوانگە- ئەنجوومەنی ئاسایشی نێودەوڵەتی پرۆژەیاسای ئەمریکای سەبارەت بە ئۆکرانیا پەسەندکرد، کە داوای کۆتاییهاتنی ئەو جەنگە دەکات.
پڕۆژەکەی ئەمریکا پشتیوانی 10 ئەندامی ئەنجوومەنەکەی بەدەستهێنا لەنێویاندا رووسیا، پێنج ئەندامەکەی دیکە دەنگیان نەدا، کە بریتی بوون لە فەڕەنسا و بەریتانیا و سلۆڤینیا و یۆنان و دانیمارک.
لە پڕۆژەکەدا داوای بەرقەرارکردنی ئاشتی لە ئۆکرانیا کراوە بە زووترین کات، بەڵام بەبێ ئەوەی هیچ ئاماژەیەک بە یەکپارچەیی خاکی ئەو وڵاتە بکات، سەرباری نیگەرانییەکانی هاوپەیمانە ئەوروپییەکانی کیێڤ لەوبارەیەوە.
دۆرۆسی شیا، نوێنەری ئەمریکا لە نەتەوەیەکگرتووەکان پەسەندکردنی پڕۆژەیاساکە، کە وڵاتەکەی ئامادەیکردبوو و رووسیاش دەنگی لەبەرژەوەندیدا، بە "مێژوویی وەسفکرد".