ڕوانگە - سەرۆكی ئەمریكا رایگەیاند، نامەیەكی بۆ رێبەری باڵای ئێران ناردووە و داوای دانوستان لەسەر بەرنامە ئەتۆمییەكەی تاران دەكات.
دۆناڵد ترەمپ، سەرۆکی ئەمریکا ئەمڕۆ هەینی ٧ـی ئازاری ٢٠٢٥، لە میانەی چاوپێكەوتنێكدا لەگەڵ كەناڵی فۆکس بزنس-ی ئەمریكی رایگەیاندووە، نامەیەی بۆ ئایەتوڵڵا سەید عەلی خامنەیی، رێبەری باڵای ئێران، ناردووە كە پێشنیاری دانوستان لەسەر بەرنامە ئەتۆمییەکەی ئێران لەخۆ گرتووە.
ئاماژەی بەوەشكرد، پێی باشە رێککەوتنێک لەگەڵ ئێران ئەنجام بدات و ئەو وڵاتە نابێت چەکی ئەتۆمی بەدەست بهێنێت، هەروەها هیوای خواست کە تاران دانوستان لەگەڵ واشنتۆن ئەنجام بدات.