ڕوانگە - بە بڕیارێکی ترەمپ کاری حەوت ئاژانسی راگەیاندن راگیرا کە لەلایەن حکومەتەوە پارەیان بۆ دابین دەکرا لە ناویانیشدا ئاژانسی دەنگی ئەمریکا، ئەم دەزگایانە ئەوانەن کە بە ناپێویست دەستنیشان کراون
بەڕێوەبەری جێبەجێکاری دەنگی ئەمریکا لە پۆستێکی تۆڕی ئێکسدا نووسیویەتی: بەداخەوەم کە بۆ یەکەمجار لە ماوەی 83 ساڵدا دەنگی ئەمریکا بێدەنگ دەکرێت، ئەم ئاژانسە ڕۆڵێکی گرنگی هەبوو لە خەبات بۆ ئازادی و دیموکراسی لە سەرانسەری جیهاندا
دەنگی ئەمەریکا کە پەخشی میدیایی نێودەوڵەتییە و بە زیاتر لە ٤٠ زمان بە شێوەی ئۆنلاین و لە ڕادیۆ و تەلەفزیۆن کاردەکات، لەلایەن ئاژانسی ئەمریکی بۆ میدیای جیهانییەوە سەرپەرشتی دەکرێت