ڕوانگە - بردنەژوورەوەی ماددەی هۆشبەر بۆنا و گرتوخانەکانی عێراق بووە بە گرفتێکی گەورە و وه‌زیری دادى عێراقیش ڕایدەگەیەنێت:"ناتوانین بردنه ژوره‌وه‌ى ماده‌ى هۆشبه‌ر بۆ نێو گرتوخانه‌كان، كۆنترۆڵبكه‌ن".
خالید شوانى وه‌زیری دادى عێراق له‌به‌رنامه‌یه‌كی ته‌له‌فزیۆنیدا ئەوەی ئاشکراکرد؛"له‌نێو گرتوخانه‌كانى عێراقدا، كه له‌ژێر ده‌سه‌ڵاتى وه‌زاره‌تی دادن ماده هۆشبه‌ره‌كان به‌كارده‌هێنرێت.
وتیشی:"ئێمه تیمێكمان پێكهیبَناوه بۆ ڕێگریكردن له‌بردنه‌ژوره‌وه‌ى ماده‌ى هۆشبه‌ر بۆ نێو گرتوخانه‌كان كه له‌ده‌زگاى هه‌واڵگریى‌و ئاسایشی نیشتمانى‌و پۆلیسی فیدڕاڵی‌و وه‌زاره‌تى داد پێكهاتوه، به‌ڵام له‌گه‌ڵ ئه‌وه‌شدا له‌ڕێگه‌ى كه‌سوكارى زیندانیكراوه‌كانه‌وه، ماده‌ى هۆشبه‌ر ده‌بردرێته ژوره‌وه".
سه‌باره‌ت به‌بردنه‌ژوره‌وه‌ى مۆبایل‌و ماده‌ى هۆشبه‌ریش شوانى وتویه‌تى:"ئێمه ناتوانین به‌ته‌واوه‌تى كۆنترۆڵى ئه‌وه بكه‌ین‌و ڕێگرییان لێبكه‌ین، هۆكاریش زۆره، به‌ڵام كێشه‌ى گه‌وره ئه‌وه‌یه كه ناتوانین تۆڕى په‌یوه‌ندییه‌كان به‌ته‌واوه‌تى ڕابگرین، بۆیه میكانیزمێكى جیاوازمان دۆزیوه‌ته‌وه بۆ ئه‌و مه‌به‌سته‌و به‌شێوه‌یه‌كی ئه‌لیكترۆنی تۆڕى مۆبایله‌كان له‌ناو گرتوخانه‌كان بلۆك ده‌كه‌ین، ئه‌و به‌رنامه‌یه‌شمان له‌چه‌ند مانگى داهاتودا جێبه‌جێده‌كه‌ین".