ڕوانگە - بە بڕیاری وەزارەتی کشتوکاڵ و سەرچاوەکانی ئاوی حکومەتی هەرێمی کوردستان قەدەغەی ڕاوی ماسی ڕاگەیەنرا.

سیروان سرحد قائیمقامی دوکان بۆ ڕوانگە  ڕایگەیاند؛"لەگەڵ ڕاگەیاندنی قەدەغەی ڕاوی ماسی داوا لە ڕاوچیان و هاوڵاتیان دەکەین پابەندی بڕیارەکەی وەزارەتی کشتوکاڵ بن کە لەپێناو برەودان و هێشتنەوەی سامانی ماسیدایە لە هەرێمی کوردستان .

وتیشی؛"بڕیارەکەی وەزارەتی کشتوکاڵ و سەرچاوەکانی ئاوی حکومەتی هەرێمی کوردستان چوار ڕۆژە دراوە و درێژەی دەبێت تاوەکو  بەرواری ٦/٢٠

سیروان سرحد قائیمقامی قەزای دوکان جەختیشی کردەوە  لە پارێزگاری کردن لە سامانی ماسی و ڕاشیگەیاند؛" لە ماوەی قەدەغەی ڕاوی ماسیدا تیمەکانی پۆلیسی دارستان و ژینگە لە سنوری ئاوی دوکاندا چاودێری و بەدواداچونی بەردەوامیان دەبێت و سەرپێچیکاران ڕوو بە ڕووی سزاو یاسا دەکرێنەوە .