ڕوانگە -لە کۆنگرەیەکی ڕۆژنامەوانیدا وتەبێژی وەزارەتی دەرەوی ئەمەریکا ڕایگەیاند؛"پێویستە سەرجەم هێزە ئەمنییەکانی عێراق بەحەشدی شەعبیشەوە، پابەندی فەرمانەکانی بەغدابن نەک تاران."
تامی بروس وتەبێژی وەزارەتی دەرەوەی ئەمریکا، ڕونیکردەوە، "پێویستە عێراق هەموو هێزە ئەمنییەکانی کۆنترۆڵ بکات، بەو هێزانەشەوە کە لەحەشدی شەعبیدان‌و چەند ڕێکخراوێکیش کە خراونەتە لیستی تیرۆرەوە کردەوەی توندوتیژ ئەنجامدەدەن‌و سەقامگیریی تێکدەدەن".
وتیشی :"ئەو گروپانە دەبێت گوێرایەڵی فەرمانەکانی فەرماندەی گشتیی هێزە چەکدارەکانی عێراق بن نەك ئێران، ئەمریکاش حکومەتی عێراق هاندەدات ئەو گروپانە کۆنترۆڵبکات‌و بەهۆی پێشێلکردنی یاساکانەوە لێپرسینەوەیان لەگەڵ بکات، ئاماژەی بەوەشکرد، کاری لەپێشینەی سەرۆکی ئەمریکا پاراستنی هاوڵاتییان‌و بەرژەوەندییەکانی وڵاتەکەیەتی له‌هه‌ر كوێیه‌كى ئه‌م جیهانه بێت".