ڕوانگە - لەبارەی ڕۆژی جیهانی قودس و ئەوزوڵمە گەورەیەی کە بەرامبەر بە موسوڵمانانی غەززە دەکرێت و هەروەها بێدەنگی جیهان و وڵاتانی ئیسلامی و پاڵپشتی وڵاتانی زلهێز جیهان لە ڕژێمی زایۆنیستی، پەیامنێری ڕوانگە، گفتوگۆیەکی تایبەتی لەگەڵ، شوان ڕابەر، ئه‌ندامی ئه‌نجوومه‌نی سیاسی كۆمه‌ڵی دادگه‌ری ئەنجامداوە، ئەمەی خوارەوە دەقی گفتوگۆکەیە.
پ/ئەمڕۆ ڕۆژی قودسە، پەیامی ئێوە لەم ڕۆژەدا بۆ موسوڵمانانی غەزەچییە؟
وەڵام/
پەیامی ئێمە بۆ موسوڵمانانی غەززە، لە ڕۆژی قودس ئەوەیە کە هیوادارین لەسەر ئەم خۆڕاگری وبەرخودان و ئازایەتی و غیرەت و پەیوەستییە هەر بەردەوامبن، ئەوەش مانای ئەوەنییە کە هەمیشە لە شەڕدابن، بەڵکو ئاشتیش بۆ مانەوەیان هەر وەک شەڕ پێویستە، بەڕاستی ئەوان بەگشتی خەڵکێکی زۆر خۆڕاگر و ئازان بەتایبەت بەرەی مقاومە.
ئەوان لەبری هەموو میللەتی موسوڵمان و جیهانی ئیسلامی شەڕ لە دژی ڕژێمی زایۆنیستی داگیرکەر دەکەن، بۆ نمونەی ۆڕاگری و بەرگریکردن، ئەوەی بەسەر ئەوانداهات بەسەر کەم لە موسوڵماناندا هاتووە، لەسەردەمی ئەواندا مقامە لەناوناچێت، بەڕاستی داستانێکی گەورەیان لەم سەردەمە تۆمارکرد.
پ/ پێتان وایە ئیسرائیل هەروا بەئاسانی دەستبەردار ئەو زوڵمەبن کە لە خەڵکی غەززە دەکرێت؟
وەڵام/
ئیسرائیل بەئاسانی دەستبەرداری شەڕوو داگیرکاری نابێت، چونکە بوونی خۆی لەشەڕکردن و لە داگیرکردندا دەبینێتەوە، زایۆنیزم پێیوایە بەشەڕوو بە داگیرکردن دەمێنێتەوە، بەڵام لە کۆتایدا بەشەڕوو لەبەر زوڵم لەناودەچێت، شەڕو داگیرکاری و زوڵم سەری ئیسرائیل دەخوات، لە ڕاستیدا ئەمجارە لەم شەڕە ستەمکارە هەندێک خەڵک لە وڵاتانی ئەوروپا لە جاران زۆر باشتربوون، بە ڕاگەیاندن و بە خۆپیشاندان و هەڵوێستیان بەرامبەر بە غەزە، لەدژیئیسرائیل زۆر باشبوو، بەڵام هێشتا وەکو پێویست نییە، بەقەدەر ئەو هەموو زوڵم و داگیرکاریەی ئیسرائیل نییە، بە هەرحاڵ ئەمەش زیاتر لەبەر ئەوەی وڵاتە زلهێزەکان دژی غەززەن و پاڵپشتی ئیسرائیلن و بوارنادەن بۆئەوەی خەڵک دژی ئیسرائیل بێت، دەنا ئیسرایل زوڵمێکی ئەوەندە لە غەززە دەکات، کە هەموو خەڵکی دونیا بە دەسەڵاتدارانیشەوە بەرگری لە غەززە بکەن، دژی ئیسرائیل بن، ئەگەر باسی ئازادی و مرۆڤ دۆستی دەکەیت، چونکە ئیسرائیل غەززەی کۆمەڵکوژ کردووە و هەمووسنورێکی بەزاندووە.
پ/ڕێگاچارە چییە لەبەردەم خڵکی غەززەدا بۆ دەربازبوون لەو زوڵمەی کە ئسرائیل لێیان دەکات؟
وەڵام/
ڕێگەچارە هەرئەوەیە، کە ئەوان خۆڕاگربن و چۆک نەدەن و بەئاشتی بێت یان بە شەڕ بمێننەوە و وڵاتە زلهێزەکانیش نابێت پاڵپشتی لە ئیسرائیل بکەن، جیهانی ئیسلامیش بە هەموو شێوەیەک هاوکاری تەواوی غەززە بکەن.
پ/ ئایە ئیسرائیل خۆی بەتەنها ئەو زوڵمە دەکات، یاخود هاوبەش و پشتیوانی گەورەی هەیە؟
وەڵام/
ئیسرائیل بە پاڵپشتی وڵاتە زلهێزەکان و لەبەر بێهەڵوێستی زۆربەی وڵاتانی جیهانی ئیسلامی ئەم زوڵمە دەکات، ئەگەر نا، بەپاڵپشتی ئەوان نەبێت ئیسرائیل ناتوانێت لەم ناوچەیە بژێت، بەڵام وڵاتان شەڕ بە ئیسرائیل دەکەن