ڕوانگە - کەشناسی هەرێم کەشوهەوای ٤٨ کاتژمێری داهاتووی بڵاوکردەوە و جەخت لەوەدەکاتەوە کە پلەکانی گەرما ٣ تا ٥ پلە نزم دەبنەوە و شەپۆلێکی باران و هەورەتریشقە لە ئەمڕۆ دانیوەڕۆ دەستپێدەکات.

بە گوێرەی پێشبینییەکانی کەشناسی هەرێم ڕۆژی یەک شەممە ئاسمانی هەرێم نیمچە هەور بۆ هەوری تەواو بێت لە گەڵ هاتنی شەپۆلێکی نمە باران و هەورە تریشقەی پچڕ پچڕ لە کاتەکانی دوای نیوەڕۆدا بۆ سەر زۆربەی ناوچەکانی هەرێم هاوکات خێرایی با چالاک دەبێت کە هەندێ جار بۆ سەروی ٣٠ کلم/ک دەبێت.

کەشناسی ئاشکراشی دەکات کە رۆژی دووشەممە نمە بارانی پچڕ پچڕ و هەورە بروسکە بەردەوام دەبێت بەتایبەت لە ناوچە شاخاویەکان و ناوچەکانی گەرمیان و ڕۆژهەڵاتی هەرێم, و لە دوای نیوەڕۆ وە شەپۆلەکە کۆتایی دێت و پلەکانی گەرما (٣-٥) پلەی سیلیزی نزم دەبێتەوە بەبەراورد بە پلەکانی گەرمی ئەمڕۆ.  

ئاماژە بەوەشدەکات کە  پێشبینی دەکرێ  ناوچە شاخاویەکانی دهۆک و هەولێر و بەشێک لە ناوچەکانی گەرمیان ڕێژەیەکی زیاتر بارانی لێ ببارێ.

بەرزترین پلەکانی گەرمای پێشبینیکراو بە پلەی سیلیزی

هەولێر : ٢٨ پلەی سیلیزی

سلێمانی : ٢٦ پلەی سیلیزی

دهۆک : ٢٨ پلەی سیلیزی 

کەرکوک : ٣٢ پلەی سیلیزی 

زاخۆ : ٢٩ پلەی سیلیزی

هەڵەبجە : ٢٨ پلەی سیلیزی

سۆران : ٢٦ پلەی سیلیزی

حاجی ئۆمەران :١٦ پلەی سیلیزی

گەرمیان : ٣٢ پلەی سیلیزی