ڕوانگە - بە وتەی سەرچاوەیەکی ئاگادار خانەنشینانی پێش دەرچوونی یاسای خانەنشینی ژمارە ٩ـی ساڵی ٢٠١٤، مووچەکانیان هاوتای خانەنشینانی بەغدا دەکرێت و مینحە ١٠٠ هەزار دینارییەکەش دەیانگرێتەوە.
سەرچاوەیەک لە بەڕێوەبەرایەتی گشتی خانەنشینی بە میدیاکانی راگەیاندووە" ئەوانەی پێش ٢٠١٤-١-١ خانەنشینکراون، واتا بەر لە دەرچوونی یاسای خانەنشینی ژمارەی ٩ی ساڵی ٢٠١٤، مووچەیان دەستکاری دەکرێت و لەگەڵ عێراق هاوتا دەکرێت، زیادکردن و دەستکاری مووچەشیان بەپیی بڕوانامە و ساڵانی خزمەت دەبێت".
بەوتەی سەرچاوەکە، هەر خانەنشینێکی زیندوو مووچەکەی لە ٥٠٠ هەزار دینار کەمتر بێت، بۆی دەکرێت بە ٥٠٠ هەزار دینار، ئەوانی تریش بەپێی بڕوانامە و ساڵانی خزمەت مووچەکانیان دیاری دەکرێت.
ئاشکراشیدەکات کە مینحە ١٠٠ هەزارییەکەش دەیانگرێتەوە ئەوانەی مووچەیان لە ملیۆنێک کەمترە، کە دەستی پێکردووە و ئێستا ڕاگیراوە، ڕەنگە لە مانگی چوار یان پێنج دەستپێبکاتەوە.
کێشەی هاوتاکردنی مووچەی خانەنشینان لەگەڵ عێراق و چارەسەرکردنی کێشەکانیان قۆناغی باش چووەتە پێشەوە، پێشبینی دەکرێت لە چەند مانگی داهاتوو ئەوانەی ماون مووچەکانیان هاوتا دەکڕێت.
بۆ میراتگرانی خانەنشینانیش کەمترین مووچەیان ٤٠٠ هەزار دەبێت بەمشێوەیە:
میراتگرێک ٣٢٠ هەزار مووچەکەی بێت، لەگەڵ ١٠٠ هەزارەکە دەبێتە ٤٢٩ هەزار.
دوو میارتگر بە هەردووکیان ٣٦٠ هەزار وەردەگرن لەگەل دوو ١٠٠ هەزاری.
سێ میراتگر یان زیاتر ٤٠٠ هەزار وەردەگرن بە هەموویان، بەهەمانشێوە ئەوانیش مینحە ١٠٠ هەزارییەکە دەیانگرێتەوە.
بۆنموونە خانەنشینێک کۆچی دوایی کردووە، چوار میراتگری هەیە، مووچەشی کەم بووە، ٤٠٠ هەزاری بۆ دادەنرێت، ئەم ٤٠٠ هەزارە بەسەر هەر چواریان دابەش دەکرێت و هەر یەکێکیان ١٠٠ هەزاری بەردەکەوێت، هەر یەکێکیشیان ١٠٠ هەزار وەردەگرێت، واتا مووچەی هەر یەکێکیان دەبێتە ٢٠٠ هەزار.