ڕوانگە - پشتیوان سادق وه‌زیرى ئه‌وقاف‌و ئەندامی مەکتەبی سیاسی‌و ئەندامی وه‌فدى دانوستانکاری پارتی بۆ پێکهێنانی حکومەت لەگەڵ لایەنەكان ڕایگه‌یاند، "كێشه‌كانمان له‌گه‌ڵ یه‌كێتیى بچوكن‌و پۆسته‌كانیش له‌نێوانمان كێشه‌یه‌ك نییه"، ده‌شڵێت:"كه ئه‌مڕۆمان كردوه به‌جه‌ژن هیچ بابه‌تێكى سیاسیى‌و مه‌زهه‌بى له‌پشته‌وه نییه".
پشتیوان سادق پاش نوێژی جەژن لە یەکێك لە مزگەوتەکانی هەولێر بۆ هەواڵنێران وتی: "ئومێدم زۆره كه به‌زویى ڕێكه‌وتنى پارتى‌و یه‌كێتیى بچێته قۆناغێكى دیكه‌وه، به‌زوترینكات ئه‌وه‌ش ڕوو ده‌دات".
ئه‌وه‌شى وت: "ڕێککەوتنی سیاسی باش لەگەڵ یەکێتیی‌و لایەنەکان ئەنجامدراوە، ڕاستەوخۆ دوای جەژن گفتوگۆ لەبارەی دابەشکردنی پۆستەکان دەکرێت".
وتیشی:"ئومێد دەکرێت بەئەرێنی ئیش‌و کارەکانی پێکهێنانی کابینەی نوێی حکومەت بەڕێوەبچێت، پارتی‌و یەکێتیی بەشێوەی سەرەکی‌و لایەنە سیاسییەکانی دیکەش بەشداریی پێکهێنانی حکومەت دەکەن".
ئه‌وه‌شى ڕونكرده‌وه، "كێشه‌كانمان له‌گه‌ڵ یه‌كێتیى بچوكن‌و پۆسته‌كانیش له‌نێوانمان كێشه‌یه‌ك نییه".