ڕوانگە - دوای ئەوەی لە تۆڕی کۆمەڵایەتی ئێکس گیدیۆن سار، وەزیری دەرەوەی ئیسرائیل بڵاویکردەوە:"رووی راستیی دژەجووی ئەردۆغانی دیکتاتۆر بەدیارکەوت. هەروەک بەڕوونی دەبینرێت، ئەردۆغان لەم رۆژانەدا بۆ ناوچەکە و خەڵکی خۆی بووەتە مەترسی و بۆیە بەهیواین وڵاتانی ئەندام لە ناتۆ لەمە تێبگەن و پەی پێ ببەن.
دەستبەجێ لە ڕاگەیەنراوێکدا وەزارەتی دەرەوەی تورکیا وەڵامی دایەوە و ڕایگەیاند:"ئەو راگەیێندراوە بێشەرمانەیە رەتدەکەینەوە کە لەلایەن وەزیری دەرەوەی ئیسرائیلەوە کراوە. ئەو بانگەشە بێ بنەما و ئاستنزمانەی ئەوان، بەشێکە لە هەوڵەکانی نەتەنیاهوو و هاوبەشانی بۆ پەردەپۆشکردنی تاوانەکان".
لە ڕاگەیەنراوەکەدا وەزارەتی دەرەوەی تورکیا باسی لەوەشکردووە:" ئەو هەڵوێستەی ئیسرائیل بۆ خێراترکردن و چڕکردنەوەی کۆمەڵکوژییەکانی غەززەیە و رایگەیاندووە: "بانگەشەی دەسەڵاتدارانی ئیسرائیل هەرگیز ئیرادەی تورکیا بۆ خستنەڕووی راستییەکان بە روونترین شێوە لەنێو نابات. ئێمە بەردەوام دەبین لە وەستانەوە لەدژی بەئامانجگرتنی خەڵکی سڤیلی بێتاوان لەلایەن ئیسرائیلەوە و بەرگری لە مافەکانیان دەکەین".