ڕوانگە - ئەحمەد شەرع سەرۆکی سوریا لە لێدوانێکدا جەختی کردەوە کە حکومەتەکەی هیچ دابەشبوونێکی سیاسی قبوڵ ناکات دوای پێکهێنانی کابینەی نوێ.
شەرع ئاماژەی بەوە کرد کە سوریا "مێژوویەکی نوێ بۆ خۆی دەنووسێتەوە" و دانی بەوەدا نا کە "ڕێگایەکی سەخت و دوورودرێژ" لە پێشیانە.
لە بەشێکی دیکەی لێدوانەکەیدا، سەرۆکی سوریا ڕایگەیاند کە ڕەتی دەکاتەوە پشکپشکێنە لە پێکهێنانی حکومەتی نوێدا ئەنجام بدرێت و پێداگری لەسەر گرنگی کاری بەکۆمەڵ کرد بە گوتنی: "ئەوەی پێویستمانە ئەوەیە پێکەوە کاربکەین و ناکۆک نەبین".
شەرع هەروەها ئاشکرای کرد کە "پێویستیان بە کاری زۆر هەبووە" بۆ هەڵبژاردنی وەزیرە بە ئەزموون و لێهاتووەکان کە ئامانجیان بونیادنانی سوریا، گۆڕانکاری و پێشکەوتنە.