ڕوانگە - ئەمینداری گشتیی عەسائیبی ئەهلی حەق هۆشداری دەدات و دەڵێت، نابێت عێراق وەک تەماشاکەری رووداوەکانی سووریا بمێنێتەوە، چونکە ئەو رووداوانە هەڕەشەیەکی راستەوخۆ و مەترسیدارن بۆ سەر ئاسایشی نەتەوەیی عێراق.
قەیس خەزعەلی، ئەمینداری گشتیی عەسائیبی ئەهلی حەق ڕایگەیاند: ئەو رووداوانەی ئەم ساڵ روویاندا بەڕاستی قورس بوون، غەززەش سەردەبڕدرێت و کەسیش ناجوڵێت لە بەرامبەر ئەو تاوانەدا جگە لە بەرەی مقاوەمە.
ڕاشیگەیاند: جیهانی ئیسلامی راوەستاوە و تەماشا دەکات، هیچیش ناکەن لە بەرامبەر ئەو کۆمەڵکوژییەی بەسەر غەززەدا دەهێنرێت.
وتیشی: پاڵنەرە ئایدیۆلۆژییەکان تەنیا لە فەلەستین و لوبناندا سنووردار نین، بەڵکو تەماحی زایۆنی کۆنترۆڵکردنی ناوچەکەیە.
ئاماژەی بەوەش دا: یەکێک لە ئەرکەکانی وڵاتانی عەرەبی جێبەجێکردنی پڕۆژەی زایۆنیستییە بۆ دابەشکردنی سووریا، هەوڵی دروستکردنی هەرێمێکی نوێ لە سووریا دەدرێت، بە ئامانجی دابەشکردنی وڵاتەکە.