ڕوانگە - لەسەر ڕێگای کەلار باونور بەرامبەر گوندی بەرلوت ئۆۆمبێلێک و ماتۆڕسکیلێک پێکیاندادا.
سامان عەلی وتەبێژی هاتووچۆی گەرمیان بۆ ڕوانگە ڕایگەیاند:"ماتۆڕسکیلێک و ئۆتۆمبێلێکی جۆری لێکزز استیشن لەسەر ڕێگای کەلار باوەنور بەرامبەر گوندی بەرلوت پێکیاندادا بەهۆیەوە، لێخوڕی ماتۆڕسکیلێکە بەسەختی برینداربوو.
وتیشی:"بریندارەکە لەدایک بووی ساڵی ٢٠٠٢ە، دانیشتووی گوندی بەرلوتە، پاش گەیاندنی بەنەخۆشخانەی فریاکەوتنی شەهید هەژار بەهۆی سەختی برینەکەیەوە ڕەوانەی نەخۆشخانەی سلێمانی کرا.
سامان عەلی وتەبێژی هاتووچۆی گەرمیان ڕونیشیکردەوە:"تیمی هاتووچۆ لێکۆڵینەوەیان لەڕووداوەکەدەستپێکردوە.