ڕوانگە - بەرپرسێکی دیاری ئێرانیی ڕایدەگەیەنێت، سەرجەم بەرژەوەندییەکانی ئەمریکا لە ناوچەکە چونەتە نێو چوارچێوەی ئامانجەکانی وڵاتەکەیەوە.
محەمەد ئەکرەمی نیا، یاریدەدەری ڕێکخەری ڕێکخراوی بیروباوەڕی سیاسی لە سوپای ئێران ڕایگەیاندووە، سوپای وڵاتەکەی دوای هەڕەشەکانی ترەمپ کەوتووەتە ئەوپەڕی حاڵەتی ئامادەباشییەوە.
وتیشی"ئەمریکا هەر گەمژەییەک بکات یان دەستدرێژیی بکاتەسەر ئێران، ئەوا بە خێرایی وەڵامی دەدەنەوە و سەرجەم بەرژەوەندییەکانی لە ناوچەکە دەکەنە ئامانج."
ئەکرەمی ڕونیشیکردۆتەوە:"وەڵامی ئێران بۆ هێرشی ئەمریکا چاوەڕواننەکراو و کەمەرشکێن دەبێت."