ڕوانگە - مەبەستی هەڵوەشاندنەوەی هەردوو یاسای دیوانی سەرۆكایەتی كۆمارو پەیڕەوی ناوخۆی سەرۆكایەتی كۆمار، محەمەد شیاع سودانی سەرۆك وەزیرانی عێراق لە دادگای باڵای فیدراڵی، دوو سكاڵای تۆمارکرد
لە ڕاگەیاندراوەكیدا دادگای باڵای فیدڕاڵی
رایگەیاندووە، ڕۆژی (9) ی ئەم مانگە دادگای فیدراڵ سەبارەت بە دوو سكاڵای (موحەمەد شیاع سودانی) سەرۆك وەزیرانی عێراق كۆدەبێتەوە، یەكەمیان دژی یاسای تایبەت بە سەرۆكایەتی كۆمارو دەسەڵاتەكانی سەرۆك كۆمارە، دووەمیش دژی پەیڕەوی ناوخۆی سەرۆكایەتی كۆمارە.
ئاماژە بەوەشكراوە، سكاڵاكە داواكراوە هەردوو یاسای دیوانی سەرۆكایەتی كۆماری ژمارە چواری ساڵی (1984) و پەیڕەوی ناوخۆی سەرۆكایەتی كۆماری ژمارە (1) ی ساڵی (2023) بە نادەستووری بناسێنێت و هەڵیان بووەشێنێتەوە.