ڕوانگە- بە مەبەستی جێبەجێ کردنی رێنماییە ژینگەیەکان بەسەریاندا داواکارێکی گشتی لە گەرمیان لەسەر دوکەڵی کارگەی ئاسنەکەی سەرقەڵا سکاڵا دەجوڵێنێت.
لە نوسراوێک کە ئەندامێکی داواکاری گشتی گەرمیان بۆ دادگای لێکۆڵینەوەی کەلاری ناردوە،هاتووە:" دوابەدوای پێدانی زانیاری و پێشکەشکردنی سێ پارچە ڤیدیۆی تۆمارکراوی تایبەت بە کارگەی قەیوان ستیل لە سنوری ناحیەی سەرقەڵا، دەردەکەوێت بەهۆی کارەکەیەوە دوکەڵێکی رەشی بێزارکەر دەردەکات و بوەتە هۆی پیسکردنی ژینگەی ناوچەکە."
ئەوەشخراوەتەڕوو:" ئەمەش پێچەوانەی رێنماییەکانی ژینگە و یاسای پاراستن و چاککردنی ژینگەی هەرێمی کوردستان ژمارەی ٨ـی ساڵی ۲۰۰٨ وەک لەمادەکانی (۱ بڕگەی ۹، ۲٥ و ٢٦)ـدا هاتوە.
داواکاری گشتی گەرمیان لە نوسراوەکەدا داوا دەکات رێکاری یاسایی بگیرێتە بەر بەرامبەر بە کارگەکە بەپێی مادەی ٤۲ لەیاسای چاککردن و پاراستنی ژینگە.
کارگەی قەیوان ستیل، کارگەیەکی بەرهەمهێنانی ئاسنە، دەکەوێتە سنوری ناحیەی سەرقەڵای سەر بە قەزای کفری، گرفتی کارگەکە دوکەڵێکی زۆرە کە له كارگه‌كه‌وه ده‌رده‌چێت و تێكه‌ڵ به ئاسمانى سنوره‌كه ده‌بێت، بەپێی وتەی چالاکوانانیش دوکەڵەکە زیانی زۆری بۆ ژینگە و تەندروستی هاوڵاتیان دەبێت.
لە ڕابردوودا دەزگای میدیایی ڕوانگە ڕاپۆرتێکی لەم بارەیەوە بڵاوکردەوە و تێیدا بەڕێوەبەری ناحێی سەرقەڵا لە سنوری قەزایی کفری، ئەوەی خستەڕوو، کەچەندین جار لەگەڵ خاوەنی کارگەکەدا بۆئەومەبەستە کۆبونەتەوە و هەموو هەوڵێک دراوە بۆ چارەسەرکردنی ئەو گرفتە