ڕوانگە - ئەمڕۆ چوارشەممە 2025/4/2 نزیکەی 200خێزانی عێراقی نیشتەجێی کەمپی هۆل گەڕانەوە کەمپی جەدعە لەموسڵ.
سەرچاوەیەکی ئاگادار بڵاویکردۆتەوە ، "پرۆسەی گواستنەوەی خێزانەکانی چەکدارانی داعش لەکەمپی هۆل، لەلایەن لیژنەیەکی ناوەندییەوە سەرپەرشتیکراوە کە پێکهاتوە لەڕاوێژکاری ئاسایشی نیشتمانی‌و وەزارەتی کۆچ‌و ئاوارە، هەروەها زیاتر لە160 خێزان کە لەزیاتر لە 600 کەس پێکهاتبون‌و زۆرینەیان ئافرەت‌و منداڵ بون گەڕێندرانەوە".
سەرچاوەکە ئاماژەی بەوەشکرد، "پرۆسەی گواستنەوەکە بەهەماهەنگی سوریا کراوە، هەروەها دابینکردنی پاس‌و سەلامەتی پاراستنی ئاوارەکانیش دابینکراوە، کۆی ژمارەی ئەو خێزانانەی لەماوەی 23 کاروانی ڕابردوودا گواستراونەتەوە عێراق، گەیشتە نزیکەی 3000 خێزان".
به‌وته‌ى سەرچاوەکە، "به‌گوێره‌ى پلانێک پرۆسەی گەڕاندنەوەی خێزانەکان بەردەوامە، کە پشکنینی ئەمنی‌و گواستنەوەیان بۆ کەمپی جەدعە بۆ دەکرێت، لەگەڵ بەشداریکردنیان لەپرۆگرامەکانی شیاندنەوەو دوبارە گەڕاندنەوەیان بۆ ناو کۆمەڵگە، ئامادەکارییەکان بۆ گواستنەوەی کاروانێکی دیکە لەهەفتەی داهاتوو بەهەماهەنگی ئیدارەی کەمپی هۆل بەردەوامە".