ڕوانگە - لە ڕاگەیەنراوێکدا کە ئەمڕۆ پێنج شەممە ٢٠٢٥/٤/٣ بڵاویانکردەوە هەردوو کۆمانیای دانەگاز و کرێسێنت پێترۆلیۆم ڕایانگەیاند:" لە سەرەتای مانگی سێی ئەم ساڵەوە، ئاستی بەرهەمهێنانی گازی سرووشتییان لە کێڵگەی کۆرمۆر بەرزکردووەتەوە بۆ 525 ملیۆن پێی سێجا، ئەوەش بە رێژەی 75٪ بەرزبوونەوەی پێوەدیارە بەراورد بە ساڵی 2017.
بەپێی راگەیێندراوی ئەو دوو کۆمپانیایە بێت، رۆژانە 1070 تۆن گازی شلی (ئێڵ پی جی) بەرهەمدەهێنن.
دانەگاز و کرێسێنت پێترۆلیۆم کە کۆنسێرتیۆمی پێرڵ پێترۆلیۆم پێکدەهێنن، لە ساڵی 2008ـەوە لە کێڵگەی کۆرمۆر لە هەرێمی کوردستان گاز بەرهەم دەهێنن.
لە ڕاگەیەنراوەکەدا ئەوەشخراوەتەڕوو:" تاوەکو ئێستا زیاتر لە 3.5 ملیار دۆلار وەبەرهێنانیان کردووە لە هەرێمی کوردستان کە بووەتە هۆکاری رەخساندنی 20 هەزار هەلی کاری راستەوخۆ و ناڕاستەوخۆ.
دانەگاز جەخت لەوە دەکاتەوە، پڕۆژەی پەرەپێدانی کێڵگەی کۆرمۆر کە بڕیارە ئاستی بەرهەمهێنانی کۆمپانیاکە بەڕێژەی 50٪ بەرزبکاتەوە، پێشکەوتنی بەرچاوی بەخۆیەوە بینی و پێشبینی دەکەن لە چارەکی یەکەمی ساڵی داهاتوودا تەواو بکرێت.