ڕوانگە - وەزارەتی کارەبا و سامانە سرووشتییەکان لە ڕاگەیەندراوێكی هاوبەشدا رایانگەیاند:" کۆمپانیای (دانا غاز) هەڵدەستێت بە ئەنجامدانی پڕۆسەی سازدانەوە و چاکسازی لە کێڵگەی کۆڕمۆر بەهۆیەوە ماوەی سێ هەفتە کاتژمێرەکانی پێدانی کارەبا کەمدەبیتەوە."
رۆژی پێنجشەممە 3ی نیسان، وەزارەتی کارەبا و سامانە سرووشتییەکان رایگەیاند: بەهۆی زیادبوونی خواستی هاوڵاتیان بۆ کارەبا لە وەرازی هاوین، ئامادەکاری دەکەن و کار لەسەر زیادکردنی وەبەرهێنانی کارەبا دەکەن بە مەبەستی ئامادەکاری بۆ هاتنی وەزی هاوینی ئەمساڵ، کۆمپانیای (دانا غاز) هەڵدەستێت بە ئەنجامدانی پڕۆسەی سازدانەوە و چاکسازی لە کێڵگەی کۆڕمۆر.
ئاماژە بەوش دەكەن،ئەم پرۆسەیە لە کاتژمێر 12ـی ئەمشەوەوە دەستپێدەکات و سێ هەفتە دەخایەنێت.
هەروەها باس لەوەش كراوە،هەریەک لە وەزارەتی کارەبا، وەزارەتی سامانە سروشتیەکان و کۆمپانیای (دانا غاز) هەماهەنگی نزیکیان دەبێت بۆ ئەوەی پڕۆسەکە بەشێوەیەکی سەرکەوتوو ئەنجام بدرێت.
دەشڵێن،شایانی باسە چاوەڕواندەکرێت لەڕێگەی ئەنجامدانی ئەم پڕۆسەیە ی ئاستی خزمەتگوزاری کارەبا لە وەرزی هاویندا بەشێوەیەکی بەرچاو بەرزبێتەوە.
هەروەها لە ڕاگەیەندراوەكەدا ئەوەش هاتوە.پێشبینی دەکرێت بەهۆی چاکسازیەکانەوە ماوەی ئەم سێ هەفتەیە کاتژمێرەکانی پێدانی کارەبا کەمدەبیتەوە