ڕوانگە - کەشناسیی هەریم رایگەیاند، لە ئێوارەی ئەمڕۆوە بارانبارین ناوچەکانی هەرێم دەگرێتەوە و تا ئێوارەی سبەینێ بەردەوام دەبێت.
ئەمڕۆ هەینی ٤ـی نیسانی ٢٠٢٥، کەشناسی هەرێم بڵاویکردەوە، لە ئێوارەی ئەمڕۆوە نمەباران و بارانی مامناوەند دەستپێدەکات و پاشانیش کاریگەرییەکەی لە شەودا زیاد دەکات و پێشبینی دەکرێت لە درەنگانی شەودا بارانی بە لێزمە لە بەشێکی ناوچەکانی هەرێم ببارێت و هەورە تریشقەی لەگەڵدا بێت.
ئەوەش خراوەتەڕوو، سبەینێش زۆربەی کاتەکان باران دەبارێت و کاریگەریی شەپۆلی بارانبارینەکە تا دەمەوئێوارە بەردەوامدەبێت و پێشبینیدەکرێت لە سبەی شەوەوە کەش سەقامگیر ببێتەوە و باران بووەستێت.
بەرزترین پلەکانی گەرمای پێشبینیکراو بە پلەی سیلیزی:
هەولێر : ٢٣ پلەی سیلیزی
سلێمانی : ٢٠ پلەی سیلیزی
دهۆک : ٢٠ پلەی سیلیزی
کەرکوک : ٢٥ پلەی سیلیزی
زاخۆ : ٢٠ پلەی سیلیزی
هەڵەبجە : ١٩ پلەی سیلیزی
سۆران : ١٦ پلەی سیلیزی
حاجی ئۆمەران : ٩ پلەی سیلیزی
گەرمیان : ٢٣ پلەی سیلیزی
