ڕوانگە - بەڕێوەبەرایەتی گشتی کەشناسی هەرێم پێشبینی دەکات کە لەگەڵ بەرزبوونەوەی پلەی گەرماش لە هەندێک شوێن نمە باران ببارێت.
کەشی پێشبینیکراوی ئەمڕۆ چوار شەممە: کەش، ئاسمان نیمچە هەور دەبێت لەگەڵ زیادبوونی خێرای با، ئەگەری نمە باران هەیە لەسەر ناوچە شاخاوییە سنوورییەکانی پارێزگای دهۆک بە ئەگەری زیاتر وە هەروەها بەشێک لە سنووری پارێزگای هەولێر .
پلەکانی گەرما، نزیک دەبێتەوە لە تۆمارەکراوەکانی دوێنێ .
سبەی پێنج شەممە :
کەش، ئاسمان نیمچە هەور دەبێت بە گشتی، ئەگەری نمە باران هەیە لەسەر ناوچە شاخاوییەکانی ئیدارەی سەربەخۆی سۆران و بەشێک لە ناوچە شاخاوییەکانی سنووری پارێزگای سلێمانی.
پلەکانی گەرما، کەمێک نزم دەبێتەوە بەراوورد بە تۆمارکراوەکانی ئەمرۆ .
پلەی گەرمای ناوچەکانی هەرێمی کوردستان:
هەولێر : ٣٢ پلەی سیلیزی
سلێمانی : ٣٠ پلەی سیلیزی
دهۆک : ٣١ پلەی سیلیزی
کەرکوک : ٣٤ پلەی سیلیزی
زاخۆ: ٣١پلەی سیلیزی
هەڵەبجە: ٣٠ پلەی سیلیزی
سۆران: ٢٨ پلەی سیلیزی
حاجی ئۆمەران: ١٩ پلەی سیلیزی
گەرمیان: ٣٦ پلەی سیلیزی