ڕوانگە - لەناو شاری کەلار بەهۆی ڕووداوێکی هاتووچۆوە کەسێک برینداربوو ڕەوانەی نەخۆشخانەکرا
سامان عەلی وتەبێژی هاتووچۆی گەرمیان بۆ ڕوانگە ڕایگەیاند:"ئەمشەو چوار شەممە لەناو شاری کەلار نزیک ئیدارەی گەرمیان ئۆتۆمبێلێکی فۆرد تورس کۆنترۆڵی لەدەستداوە جگە لە زیانگەیاندن بە ژینگە، شۆفێرەکەی بریندار بوو زیانیش بەرئۆتۆمبێلەکە کەوتووە.
وتیشی:"لێکۆڵینەوە لەڕووداوەکە لەلایەن تیمی هاتووچۆوە دەستیپێکردووە".
سامان عەلی وتەبێژی هاتووچۆی گەرمیان ڕونیشیکردەوە:"بەمەبەستی وەرگرتنی چارەسەر بریندارەکە ڕەوانەی نەخۆشخانە کرا ".
