سەرچاوەیەکی ئاگادار: سەدر و عامری کۆتایی ئەم هەفتە لە نەجەف کۆدەبنەوە
(0) /
سەرچاوەیەکی لە چوارچێوەی هاوئاهەنگی شێعەکان ڕایگەیاند کە سەرۆکی هاوپەیمانی فەتح و سەرۆکی ڕەوتی سەدر کۆتایی ئەم هەفتەیە لە نەجەف کۆدەبنەوە.
سەرچاوەکە بە پێگەی " بغداد الیوم " ی ڕاگەیاندووە کە هادی عامری و موقتەدا سەدر کۆتایی ئەم هەفتە کۆدەبنەوە و کۆبوونەوەکەش لە شاری نەجەف دەبێت.
بە وتەی ئەو سەرچاوەیە، پەیوەندییەکانی هادی عامری لە گەڵ سەرۆکی ڕەوتی سەدر باشە و هیچ کات هێڵی ڕاستەوخۆی پەیوەندییەکانی نێوانیان نەپچڕاوە.
ڕاشیگەیاندووە کە ئەگەری ئەوەش لە ئارادایە سەرەتا وتووێژی نێوانیان لە ڕێگای تەلەفوونەوە بێت.
ئەو سەرچاوە هەروەها ڕایگەیاندووە کە ڕەنگە سەرۆکی هاوپەیمانی فەتح و سەرۆکی ڕەوتی سەدر لەم ماوەیەدا کۆبوونەتەوە و هەواڵی ئەو کۆبوونەوەش بە هۆی هەلومەرجی هەستیاری عێراقەوە ئاشکرا نەکراوە./.
تێبينيێك بنێرە: