خانمی یەکەم گرنگی پشتیوانی ژنان بۆ بەهێزکردنی رۆڵی سیاسی و سەرکردایەتی لەدروستکردنی بڕیاردا دوپاتدەکاتەوە
(0) /
ڕوانگە - خانمی یەکەم شاناز ئیبراهیم ئەحمەد، ئەمڕۆ پێنجشەممە 9-5-2024 پێشوازیکرد لە خاتوو لەیلا خەفاجی ئەمینداری مەکتەبی سیاسی رەوتی حیکمەی نیشتمانی و راوێژکاری بەڕێز عەممار ئەلحەکیم بۆ کاروباری رێکخراوە نێودەوڵەتییەکان.
لەدیدارەکەدا، کە لە کۆشکی سەلام لە بەغداد بەڕێوەچو، رۆڵی رێکخراوە نێودەوڵەتییەلان لە عێراقدا تاووتوێکرا و گرنگی دەرفەتپێدانی زیاتر بە ژنان دووپاتکرایەوە تا رۆڵێکی گەورەتر ببینن لە پرۆسەی سیاسی لەڕێی بەشداریکردن لە هەڵبژاردن و دەستنیشانکردنی ژنان بۆ پۆستە حکومییەکان لەسەر بنەمای لێوەشاوەیی و رەخساندنی هەلی یەکسان. هاوکات گرنگی رۆڵی ئەنجومەنی نوێنەران لەڕووی چاودێریکردن و یاسادانانەوە جەختی لەبارەوە کرایەوە.
خاتوو شاناز ئیبراهیم ئەحمەد ئاماژەی کرد بەگرنگی بنیاتنانی نەوەی ئایندە و بڵاوکردنەوەی رۆشنبیریی مافەکانی مرۆڤ.
لای خۆیەوە خاتوو لەیلا خەفاجی پێویستی تیشکخستنەسەر بابەتی ژنە زیندانیکراوە عێراقییەکان و تێکۆشەرە دێرینەکان و رۆڵیان لەڕوبەڕوبونەوەی رژێمی دکتاتۆری، دوپاتکردەوە.
تێبينيێك بنێرە: